Assalamu alaikum. Malam, don Allah ina da tambaya kamar haka, ko zan iya cin bashin banki (Loan), domin na cika kudin kujerar aikin Hajji? Na biya wa mahaifiyata, amma saboda karin kudin da aka yi ya wuce abin da muka yi zaton cikawa, kuma ni ma’aikaciyar gwamnati ce. Na gode, Allah ya ba da ikon amsawa.
Wa’alaikum assalam. Matukar ba ki da hali, to barin zuwa aikin hajjin shi ne daidai, saboda Allah ya kwashe wa kudin ruwa albarka a cikin suratul Bakara, sannan kuma ya yi shirin fito-na-fiton yaki da wanda ya ci riba, kazalika, Allah bai wajabta miki hajji ba ta hanyar bashi, balle kuma ki biya wa wani.
Hajji yana wajaba ne ga wanda yake da iko da kuma isasshen guzirin da zai wadatar da shi daga rokon mutane. Allah ne mafi sani.
ADVERTISEMENT
