Assalamu alaikum. Don Allah Malam wata tambaya aka yi min shi ne nake so a taimaka min da amsa. Tambayar ita ce, me ya kamata mace mai yaron ciki ta kula da shi?
Wa’alaikum assalam. To malama, akwai abubuwan da ya kamata mace ta kula da su, lokacin da take da ciki, ga wasu daga ciki:
- An Kafa Fiye Da Kamfanonin Waje 24,000 A Sin Cikin Watanni 5 Na Farkon Bana
- An Kashe ‘Yan Ta’adda 6,260, An Ceto Mutane 5,365 Acikin Shekaru Biyu – Hedikwatar Tsaro
1- Ki yi kokari ki rika cin halal, saboda lokacin da yaro yake ciki, na daga cikin lokutan da yaro yake ginuwa. Don haka, idan kina cin haramun, yaron zai ginu da ita; sai Allah ya fara cirewa gabobinsa son alhairi tun yana yaro, domin duk jikin da ya ginu da haramun, zai zama mai kasala wajen aikata abin da Allah yake so, kamar yadda malamai suka yi bayani.
2- Wasu malaman suna cewa; yawan saduwa yana karfafa yaro a ciki, saboda Annabi SAW ya kamanta ciki da shuka, kamar yadda ya zo a hadisin Abu Dawud, mai lamba 1847, kuma shuka tana kara karfi duk lokacin da aka ba ta ruwa.
3- Neman masa tsari daga shaidan, kamar yadda mahaifiyar Nana Maryam ta nema wa ‘yarta tsari, lokacin da ta haife ta.
4- Nisantar duk wani abu da zai cutar da shi, saboda musulunci ya yi umarni da kula da rai. Don haka, zai yi kyau a matsayinki na sabon aure, ki nemi shawarar magabata da kuma likitoci, saboda ki gujewa abin da zai cutar da yaronki.
5- Zuwa asibiti lokaci bayan lokaci, don tabbatar da lafiyar yaronki.
Allah ne mafi sani
