Minista: Gwamna Uba Sani Ya Karyata Adawa Da Zabin El-Rufa’i 

Gwamnan jihar Kaduna, Sanata Uba Sani ya karyata jita-jitar da aka yada a kafafen sada zumunta cewa ya ki amincewa da wanda, Nasir El-Rufai ya kawo ya maye gurbinsa a matsayin minista.

El-Rufai na cikin mutane 48 da shugaban kasa, Bola Tinubu ya aika wa majalisar dattawa, amma har yanzu majalisar ba ta tabbatar da shi ba sabida rahotannin tsaro da aka aike wa majalisar akan shi.

• Majalisa Za Ta Sake Tantance El-Rufa’i Da Sauran Wadanda Ba A Tantance Ba

Bayan da aka ki tabbatar da shi, El-Rufa’i ya gana da Tinubu a makon da ya gabata, inda ya shaida masa cewa ba ya sha’awar zama minista amma ya bada sunan tsohon kwamishinansa, Jafaru Sani ya maye gurbinsa.

Sai dai Gwamna Uba Sani ya musanta rahotannin da ake yadawa a kafafen sada zumunta cewa, shi a ganawarsa da shugaba Tinubu ya ki amincewa da sunan Jafaru sabida shi mai tsantsar biyayya ne ga El-Rufai.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar