Mutane 15 Sun Mutu A Hatsarin Mota A Jihar Kwara

Aƙalla mutane 15 ne suka rasu a wani mummunan hatsarin mota da ya afku a yankin Makabartar Musulmi da ke kan titin Ogbomoso–Oko Olowo a babban titin Ilorin–Jebba, a Jihar Kwara.

Kwamandan Hukumar Kiyaye Haɗurra ta Ƙasa (FRSC) na Jihar Kwara, Kabir Kazeem, ya tabbatar da faruwar lamarin a cikin wata sanarwa da aka rabawa manema labarai a ranar Litinin a Ilorin.

Kazeem ya ce hatsarin ya faru ne da misalin ƙarfe 2:32 na dare, inda wata babbar mota kirar DAF XF mai lambar rajista GWL 274 XC ta yi hatsari ita kaɗai.

Ya ƙara da cewa mutane maza 48 ne ke cikin motar a lokacin da hatsarin ya faru. Daga cikinsu, mutane 15 sun rasu, 17 sun samu raunuka daban-daban, yayin da wasu 16 suka tsira ba tare da sun ji rauni ba.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa