Akalla mutane hudu ne suka rasa rayukansu a wani turmutsutsu yayin da suke kokarin karbar Zakka da wani dan kasuwa – AYM Shafa ke rabawa a jihar Bauchi.
LEADERSHIP ta tattaro cewa, turmutsutsin ya faru ne a ranar Lahadi a ofishin Shafa Holdings da ke kan titin Jos a cikin babban birnin Bauchi.
- Ba Za Mu Lamunci Amfani Da Yunwa A Matsayin Makamin Yaki A Gaza Ba – Tarayyar Turai
- Hukumar NDLEA Ta Tarwatsa Wasu Kungiyoyin Ta’ammuli Da Hodar Iblis A Abuja Da Kano
Talakawa da mabukata, wadanda shari’ar Musulunci ta bukaci a baiwa zakka, sun taru ne a harabar ofishin tun da safe suna jiran zakkar.
ADVERTISEMENT
Da yake tabbatar da faruwar lamarin ga wakilinmu, Kakakin Rundunar ’Yansandan Jihar Bauchi, SP Ahmed Mohammed Wakil, ya ce, kimanin mutane hudu ne suka rasa rayukansu a turmutsutsun.
