Mutum Takwas ‘Yan Kasuwan Bauchi Sun Rasu A Wani Hadarin Mota

Akalla mutane takwas ’yan kasuwa daga garin Lanzai da ke karamar hukumar Darazo ta Jihar Bauchi ne suka rasu a wani mummunan hadarin mota a ranar Asabar din da ta gabata.

Lamarin ya faru ne a hanyar Kano zuwa Zariya yayin da suke kan hanyarsu ta zuwa Onitsha.

• Mutane 4 Sun Mutu A Wani Hadarin Mota A Hanyar Legas Zuwa Ibadan

Gwamnan jihar Bauchi Bala Abdulkadir Mohammed ne ya tabbatar da faruwar lamarin a wani sako da ya wallafa a shafinsa na Facebook.

Yayin da yake nuna kaduwa da alhini, gwamnan ya ce: “Mun wayi gari da wani mummunan labari mai kaduwa inda fasinjoji kusan 10 daga gundumar Lanzai a karamar hukumar Darazo suka rasa rayukansu. Sun mutu ne sakamakon wani mummunan hadarin mota.”

Haka kuma, wani mazaunin garin na Lanzai, Alhaji Lawan Lanzai ya shaida wa wakilinmu cewa an bizne gawarwaki takwas, inda ya kara da cewa sauran wadanda hadarin ya rutsa da su a yanzu haka ana jinyarsu a wani asibiti da bai bayyana sunansa ba.

Sulaiman

+ postsBio

• Sulaiman

  Pew: Sin Ta fi Amurka Samun Amincewar Al’ummun Duniya
• Sulaiman

  Sin Ta Fitar Da Tsarin Sanya Ido Don Inganta Muhalli Da Muhallin Halittu Na Shekarar 2026 Zuwa 2030
• Sulaiman

  Nazari Game Da Damammakin Da Sin Ta Samar Cikin Rahoton Ci Gaban Tattalin Arzikinta Na Rabin Farkon Shekara
• Sulaiman

  Gwamna Bala Ya Rushe Kwamitin Gudanarwar Wikki Tourists Bayan Rashin Nasararta A Gasar NPFL