Mutane 4 Sun Mutu A Wani Hadarin Mota A Hanyar Legas Zuwa Ibadan

An tabbatar da mutuwar Mutane hudu nan take yayin da wasu 11 suka jikkata a wani hadarin mota da ya afku a hanyar Legas zuwa Ibadan a ranar Lahadi.

Hadarin ya rutsa ne da wata mota kirar FOTON mai lamba: AGL 989 YA a kauyen Aiyetoro da ke kusa da kauyukan Mowe da Ibafo a karamar hukumar Obafemi Owode a jihar Ogun.

• Yadda Aka Yi Bikin Ranar Tabin Hankali Ta Duniya Ta Bana

LEADERSHIP ta tattaro cewa, motar bas din ta kasuwanci ce da ta tashi zuwa Legas daga Ibadan a Jihar Oyo, tana dauke da fasinjoji 15, tana tsaka da gudu sai daya daga cikin tayoyin motar ta fashe, lamarin da ya tilasta wa motar afkawa cikin wani rami.

Jami’in hulda da jama’a na hukumar kiyaye hadurra ta jihar Ogun, Babatunde Akinbiyi, wanda ya tabbatar da faruwar hadarin, ya bayyana cewa direban motar bas din FOTON da wata mata da wasu fasinjoji maza biyu sun mutu nan take, yayin da wasu 12 suka samu raunuka daban-daban. An kai fasinjojin da suka jikkata wani asibiti mai zaman kansa da ke yankin.

Sulaiman

+ postsBio

• Sulaiman

  Sojoji Sun Ceto Fasinjoji Uku Da ‘Yan Bindiga Suka Harba A Filato
• Sulaiman

  Xi Zai Halarci Taron BRICS Karo Na 18 A Indiya
• Sulaiman

  Rodri Ya Nemi Afuwar Valencia Dangane Da Kalaman Da Yayi Akanta
• Sulaiman

  Za A Gudanar Da Taron Koli Na Shugabannin Harkokin Masana’antu Da Cinikayya Na APEC Na 2026 A Shenzhen