Na Ji Radadin Da Zafin Rasuwar Shehu Malami – Buhari

Shugaban kasa Muhammadu Buhari a ranar Litinin ya ce rasuwar Yariman Sokoto kuma dan kasuwa, Dakta Shehu Malami, abin bakin ciki ne da radadi a zuciya.

A cewar wata sanarwa da mai magana da yawun shugaban kasa, Garba Shehu ya fitar, shugaban kasar ya bayyana hakan ne bayan samun labarin rasuwar tsohon Sarkin Sudan na Wurno (babban mukami ne a masarautar Sokoto).

• Gwamnatin Jihar Sokoto Ta Kashe Biliyan Biyar Wajen Aiwatar Da Shirin Cimma Muradun Karni

Malami ya rasu ne a birnin Alkahira na kasar Masar.

“Wannan labari ne mai kaduwa. Na ji radadi da zafin mutuwarsa, wannan kuma wa’azi ne cewa rai ba a bakin komai yake ba.

‘’Rasuwarsa babban rashi ne ga al’umma. Ina mika ta’aziyyata ga ‘yan uwa da abokan arziki, Sarkin Musulmi da gwamnati da al’ummar Jihar Sokoto. Allah ya jikan sa yasa ya huta.” Inji shugaba Buhari

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair