Shafin website na jaridar Sipaniyanci ta El Español, ya wallafa wani sharhi mai taken “ Trump ya Lalata Alakar Amurka da Turai: 1/4n Turawa ne Har Yanzu ke Daukar Amurka a Matsayin Aminiya”, wanda ya ce, galibin Turawa sun bayyana cewa ba sa daukar Amurka a matsayin Aminiya.
Rahoton ya ce an samu wannan sakamako ne daga wasu nazarce-nazarce biyu a kasa da kasa da aka fitar a tsakiyar watan Fabrairu. Rahoton ya bayyana cewa, mutane a kasashen da suka kasance masu alaka ta kut-da-kut da Amurka kamar kaso 58 a kasar Denmark da kaso 53 a kasar Birtaniya da kaso 47 a kasar Poland, sun daina daukar Amurkar a matsayin aminiya abar dogaro, sai dai abokiyar hulda da ake bukata, kuma ba su da wata fatan sosai daga hakan.
A Sipaniya kuwa, kaso 10 na ‘yan kasar ne kadai ke daukar Amurka a matsayin amiyar kasashen Turai, su ma kaso 50 na ganinta a matsayin abokiyar hulda da ake bukata.
Erin Doherty, mai sharhi na jaridar Politico da Nicholas Vinocur, wakilin jaridar a nahiyar Turai, sun bayyana cewa, lalacewar darajar Amurka ya haifar da sabbin tambayoyi game da karkon odar duniya na gomman shekaru da kuma karfin Amurkar a harkokin duniya. (Fa’iza Mustapha)
