NDLEA Ta Kwace Maganin Cutar Hauka Mai Nauyin Kilo 150 A Gombe

Hukumar yaki da sha da fataucin miyagun kwayoyi ta kasa NDLEA, ta kwace kilogiram 150 na magungunan cutar tabin hankali daga hannun dillalan Magunguna a jihar Gombe.

Kwamandan hukumar ta jihar, Silvia Egwunwoke ce ta bayyana hakan a jiya yayin da take zantawa da manema labarai kan kamen.

• NDLEA Ta Cafke Wani Mai Nakasa Da Ke Safaran Miyagun Kwayoyi Da Tulin Wiwi Da Wasu Kwayoyi

Ta ce jami’an hukumar ta NDLEA a ranar 1 ga Satumba, 2022, yayin da suke aiki kan rahoton sirri, sun bi diddigin wata mota dauke da kwayoyi daga Onitsha zuwa jihar Gombe.

A cewarta, bayan gano magungunan, jami’an hukumar sun bi diddigin masu safarar Magungunan wanda hakan ya kai ga cafke wasu mutane shida da ake zargin suna da hannu wajen shigo da miyagun kwayoyi cikin jihar.

Silvia ta nemi iyaye da ‘yan siyasa da sauran masu ruwa da tsaki da su hada kai da hukumar wajen yakar shaye-shayen miyagun kwayoyi a jihar musamman a lokacin babban zaben 2023.

Sulaiman

+ postsBio

• Sulaiman

  Pew: Sin Ta fi Amurka Samun Amincewar Al’ummun Duniya
• Sulaiman

  Sin Ta Fitar Da Tsarin Sanya Ido Don Inganta Muhalli Da Muhallin Halittu Na Shekarar 2026 Zuwa 2030
• Sulaiman

  Nazari Game Da Damammakin Da Sin Ta Samar Cikin Rahoton Ci Gaban Tattalin Arzikinta Na Rabin Farkon Shekara
• Sulaiman

  Gwamna Bala Ya Rushe Kwamitin Gudanarwar Wikki Tourists Bayan Rashin Nasararta A Gasar NPFL