Bayan shekaru da dama ana jita-jita, Jose Mourinho ya tabbatar da cewa ya amince ya maye gurbin mai koyarwa Sir Aleɗ Ferguson a Manchester United, kafin daga bisani ya sauya ra’ayi ya koma Chelsea. Lokacin da Ferguson ya yi ritaya a shekarar 2013 bayan shekaru 26 a Old Trafford, ya ba da shawarar a naɗa Daɓid Moyes, wanda a lokacin shi ne kocin Eɓerton, a matsayin magajinsa.
Wannan ne ya sa aka yi wa Moyes laƙabi da “The Chosen One” wanda aka Zaɓa, har ma an rataye wani babban allo mai ɗauke da wannan suna a ɓangaren Stretford End na filin wasan ƙungiyar.
Da yake magana a cikin wani sabon shirin tarihin rayuwarsa da za a fara nunawa a Netfliɗ daga 11 ga Agusta, Mourinho ya ce lokacin da ya bar Real Madrid, ya amince da zuwa Manchester United domin maye gurbin Sir Aleɗ.
Ferguson, wanda ya lashe Premier League 13 a matsayin kocin United, ya tabbatar da cewa an miƙa wa Mourinho aikin. Ya ce: “Na zaunar da shi na yi masa bayanin halin da ake ciki. A ganina, ya amince da karɓi aikin. Amma cikin sa’o’i kaɗan komai ya sauya.”
Abin da ya sauya kuwa shi ne Mourinho ya ji cewa ba zai koma Chelsea ba da aiki, inda a nan ne ya taɓa lashe kofunan Premier League a jere a shekarun 2005 da 2006.
Ferguson ya ƙara da cewa: “A wani dare ya kira ni yana kuka, sai ya ce, ‘Aleɗ, ba zan iya karɓar aikin nan ba. Na riga na yi wa Chelsea alƙawari kuma ba zan karya alƙawarina ba.’“Dalilin da ya ba ni na fahimta, amma duk da haka na ji ba dadi.”
Mourinho, mai shekaru 63, ya ce ya ji matuƙar karramawa da aka ba shi damar maye gurbin Ferguson saboda: “Manchester United ƙungiya ce mai matuƙar jan hankali.”
“Rashin damar zama kocin da zai gaji Sir Aleɗ Ferguson abu ne mai raɗaɗi a gare ni, amma ban taɓa nadama ba domin shawara ce da na yanke a zuciyata.”
Bayan komawarsa Stamford Bridge a shekarar 2013, Mourinho ya lashe kofina uku na Premier League tare da Kofin League Cup. A gefe guda kuma, an sallami Daɓid Moyes daga aikin bayan watanni goma kacal a matsayin kocin Manchester United. Daga baya, Mourinho ya samu wata dama ta biyu ta jagorantar United a shekarar 2016, inda ya maye gurbin Louis ɓan Gaal.
A tsawon shekaru biyu da rabi da ya yi a Old Trafford, Mourinho ya lashe League Cup da Europa League kafin a kore shi a watan Disamban 2018 biyo koma bayan sakamako da ƙungiyar ta samu.
