Kamfanin mai na kasa (NNPC) ya kara farashin fetur zuwa N945 a litar a Abuja da N915 a Lagos, wanda ke nuna karuwar N35 da N45.
Wannan karuwar ta biyo bayan karin da Matatar Dangote yi a farashin daga N825 zuwa N880 a litar, wanda ya haifar da tasiri a fadin masana’antar.
A wasu gidan Man NNPC da ke Kubwa da Obasanjo Way a Abuja, an nuna sabon farashin N945. A Lagos kuma, gidajen Man NNPC da ke Igando da Badagry Expressway sun kara farashin zuwa N915.
- NNPCL Ta Rufe Matatar Mai Ta Fatakwal
- Matatar Dangote Za Ta Fara Dakon Man Fetur Da Dizal Kyauta A Fadin Nijeriya
Masu sayar da fetur kamar MRS, TotalEnergies da sauransu suma sun kara farashinsu zuwa tsakanin N910 da N925 a litir.
Masu rumbun ajiya a Lagos sun bayyana cewa farashin Kamfani ya kai tsakanin N920 zuwa N925 saboda karuwar farashin mai a duniya.
Wani hari da Sojojin Amurka da Isra’ila suka kai kan wuraren Nukiliyar Iran ya kara tsoratar da kasuwar mai, wanda ke nuna cewa farashin na iya haura sama da $80 a kowace gangar mai. Masana sun yi hasashen cewa farashin fetur na iya haura sama da N1,000 a litar cikin ‘yan makonnin nan idan ba a dauki mataki ba.
