Shugaban Rasha, Vladimir Putin, ya gabatar da jawabi ta kafar bidiyo a yau Talata gabanin ziyararsa ta aiki zuwa kasar Sin.
A jawabin nasa, Putin ya bayyana cewa, “Yau, dangantakar Rasha da Sin ta kai wani matsayi da ba a taba gani ba.”Shugaban ya yi nuni da cewa, “ziyarce-ziyarcen juna a-kai-a-kai da tattaunawar manyan jami’an Rasha da Sin na da muhimmanci kuma wani bangare ne na hada karfi da karfe a tsakaninmu wajen bunkasa dukkan fannonin dangantakar kasashenmu biyu, kana da cikakken bude kofofin abubuwan da za su iya yi mara iyaka.
”Ya kara da cewa, Rasha da Sin suna fadada tuntubar juna a fannonin siyasa, tattalin arziki da tsaro, yayin da suke bunkasa musayar harkokin al’umma da kuma karfafa hulda ta kai-tsaye a tsakanin jama’a. (Mai Fassara: Abdulrazaq Yahuza Jere)
