Rahoton tsaro na Munich na bana, wanda bangaren Turai ya fitar, ya bayyana Amurka kai tsaye a matsayin “mafi tayar da hankali” ga tsare tsaren duniya, lamarin da ya nuna cewa akwai tsamin dangantaka tsakanin Amurka da kasashen Turai.
Wani binciken da CGTN ya yi tsakanin masu amfani da yanar gizo na duniya ya nuna cewa, kashi 81.4% na masu bayyana ra’ayoyi sun bayyana cewa, akwai sabanin ra’ayoyin tsakanin Amurka da Turai a fannonin tsaro, ciniki, da kuma dabi’u.
“Ma’aunin Tsaro na Munich” ya nuna cewa, kasashe da yawa, ciki har da kusan dukkan membobin G7, sun yi imanin cewa hadarin da Amurka ta haddasa ga duniya a bana, ya fi tsanani fiye da bara. Kashi 92.7% na masu bayyana ra’ayoyin sun yi kira ga al’ummun duniya da su hada kai su binciki hanyar shugabanci mai zaman kanta maimakon mai dogaro da wani abu, da kuma habaka gyare-gyaren tsarin jagorantar tsaron duniya.
An fitar da wannan binciken ne a dandamalin CGTN na harsunan Inglishi da Sifaniyanci da Faransanci da Larabci da Rashanci cikin awanni 24, inda masu amfani da yanar gizo 8,268 suka jefa kuri’a tare da bayyana ra’ayoyinsu.(Safiyah Ma)
