Ribar manyan masana’antun kasar Sin ta farfado a shekarar 2025 da ta gabata, a wani yanayi na sauyi daga koma bayan shekaru uku da suka fuskanta a fannin, inda masana’antu masu samun tagomashi a yanzu, irin su na kera kayayyakin aiki, da na manyan fasahohi ke kan gaba wajen ingiza ci gaban da aka samu.
Alkaluma da hukumar kididdiga ta kasar Sin ta fitar a Talatar nan, sun nuna yadda ribar manyan masana’antun Sin ta karu da kaso 0.6 bisa dari a mizanin shekara-shekara a shekarar ta 2025, zuwa darajar kudin Sin kusan yuan tiriliyan 7.4, kwatankwacin dalar Amurka kimanin tiriliyan 1.06.
Manyan masana’antun kasar Sin su ne wadanda jimillar ribar hada-hadar kasuwancinsu na shekara ta kai a kalla yuan miliyan 20. (Saminu Alhassan)
ADVERTISEMENT
