Shugaban jam’iyyar ADC na ƙasa, David Mark, ya jagoranci wata ganawa ta sirri da shugabannin PRP, a wani mataki da ke nuna ƙara kusantar juna tsakanin jam’iyyun adawa duk da rikicin cikin gida da ADC ke fuskanta.
Ganawar da aka yi ƙofa a kulle ta haɗa manyan jiga-jigai daga ɓangarorin biyu, ciki har da shugaban PRP na ƙasa, Hakeem Baba-Ahmed; da sakataren yaɗa labarai na ADC, Bolaji Abdullahi; da sakataren yaɗa labarai na PRP, Muhammed Ishaq; da kuma Salihu Lukman, tare da sauran masu ruwa da tsaki.
- Xi Ya Taya Thongloun Murnar Zabensa A Matsayin Babban Sakataren Kwamitin Tsakiya Na Jam’iyyar LPRP Ta Kasar Laos
- Kotu Ta Dakatar da Taron ADC A Adamawa Saboda Rikicin Cikin Gida
An ruwaito cewa PRP ta nuna goyon baya ga ADC, musamman dangane da rikicin da ke tsakaninta da INEC da wasu hukumomi.
Haka kuma, David Mark ya yaba da wannan goyon baya, yana mai cewa PRP ita ce jam’iyya ɗaya tilo da ta fito fili ta mara wa ADC baya a lokacin rikicin.
Ya kuma bayyana fatan cewa wannan haɗin gwuiwa tsakanin jam’iyyun biyu zai ƙara ƙarfi, tare da mayar da hankali kan inganta muradun ƙasa da kuma haɗa kai a fagen siyasa.
