A yayin da wani sashi na ƙwayoyin halittar ƙwaƙwalwa (Brain cells), suka mutu, wani sashin na iya karɓar aikinsu. Wannan shi ne abin da ke faruwa a ƙwaƙwalwar mai shanyewar ɓarin jiki, ta yadda motsin hannu ko ƙafa kan dawo bayan ya shanye.
– Ƙwaƙwalwa ba ta ɗauke da maganaɗisin jin ciwo (Pain receptors), shi yasa ƙwaƙwalwa ba za ta iya jin ciwo kamar yadda sauran sassan jiki ke jin ciwo ba. Don haka, ciwon kai na zuwa ne daga sauran sassan da ke kewaye da ƙwaƙwalwa, amma ba ƙwaƙwalwar kanta ce ke ciwo ba.
- Matsalar Ciwon Kwakwalwa A Gidajen Yarin Kasar Nan
- An Yi Min Abin Da Zuciya Da Kwakwalwa Ba Za Su Taba Mantawa Ba A Wata Kungiyar Marubuta – Maryam
– Ƙwaƙwalwa ta fi kowane sashin jiki son kanta. Dalili kuwa, duk da cewa nauyinta ba ya wuce kashi uku cikin ɗari (3%) na nauyin jikin mutum, amma dole sai an ba ta kashi talatin cikin ɗari (30%) na yawan jinin da zuciya ke turawa a kowane bugu.
– A mafi yawan lokaci, Ɗan’adam na amfani da dukkanin sassan ƙwaƙwalwarsa, saɓanin tatsuniyar da ke cewa; wai Ɗan’adam na iya amafani da ɗan wani sashi na ƙwaƙwalwarsa ne kawai a tsawon rayuwarsa.
– Kusan rabin sinadarin abincin da yara ke ci, na tafiya ne wajen gina ƙwaƙwalwarsu; domin koyon abubuwa daban-daban.
– Kamar yadda motsa jiki ko atisaye ke ƙara lafiyar jiki, haka nan ma yake ƙara lafiyar ƙwaƙwalwa.
– Kamar yadda tambarin babban yatsan hannunka (thumbprint) yake daban da na kowa, haka ma yadda ƙwaƙwalwarka ke aiki daban da ta kowa.
– Har ila yau, ƙwaƙwalwa na aiki ne da tsarin lantarki a yayin da mutum yake a farke, kazalika ƙwaƙwalwa na iya samar da ƙarfin lantarkin da zai iya kunna farin ƙwai na lantarki.
– Kimanin kashi sittin cikin ɗari (60%) na ƙwaƙwalwa kitse ce.
– Har wa yau, rashin isassshen barci na rage kaifin ƙwaƙwalwa. Domin kuwa, Ɗan’adam na buƙatar barci na kimanin awa bakwai zuwa tara a kullum.
– Ƙwayoyin halittar ƙwaƙwalwa, ba sa iya jure rashin iskar oksijin da sinadarin gulukos na fiye da minti biyar, face sai sun mutu.
