Sanata Mace Ta Farko A Nijeriya Franca Afegbua Ta Rasu

Zababbiyar Sanata mace ta farko a Nijeriya, Franca Afegbua, ta rasu tana da Shekaru 81 a Duniya. 

An ce ta rasu ne a garin Benin na jihar Edo a wani asibiti mai zaman kansa bayan ta yi fama da rashin lafiya a ‘yan watannin da suka gabata.

• NDLEA Ta Cafke Wani Tubabban Dan Ta’adda Da Laifin Safarar Miyagun Kwayoyi

Kassim Afegbua, daya daga cikin kannenta kuma dan jarida ne ya tabbatar da rasuwar ta, wanda ya taba rike mukamin kwamishinan yada labarai a gwamnatin Gwamna Adams Oshiomhole a jihar, kuma a halin yanzu mamba ne a kwamitin yakin neman zaben shugaban kasa na jam’iyyar APC.

Ya ce ‘yar uwarsa ta rasu ne da safiyar Lahadi, kuma an kai gawarta zuwa dakin ajiyar gawa na jami’ar Benin (UBTH).

Marigayiya Franca Afegbua, an haife ta ne a shekarar 1942 kuma aka zabe ta a matsayin Sanata a rusashshiyar jam’iyyar NPN a shekarar 1983, ta wakilci gundumar Bendel ta Arewa a rusasshiyar jihar Bendel.

Ta yi aiki a majalisar dokoki daga Oktoba zuwa Disamba 1983 kafin juyin mulkin soja ya kawo karshen Jamhuriyya ta biyu a ranar 31 ga Disamba, 1983.

Sulaiman

+ postsBio

• Sulaiman

  Ding Xuexiang Ya Halarci Taron Kolin CIFTIS Tare Da Ganawa Da Manyan Jami’an Kasashen Waje
• Sulaiman

  Sin Ce Ta Zo Ta Farko A Rahoton Yanayin Tsaron Jama’a Na Duniya
• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace