An kammala taro kan intanet na kasa da kasa na Wuzhen na bana a jiya Alhamis. Taron mai taken “budadden tsari da kirkire-kirkire a bude: gina al’umma mai makoma ta bai daya a fannin intanet” ya dace da yanayin da ake ciki, ya kuma bayyana burikan jama’a.
Ta hanyar ci gaba da gudanar da taron Wuzhen tsawon shekaru 13, duniya ta ga yadda shawarwarin Sin ke ci gaba da ingiza sabon kuzari ga rayawa da jagorantar harkokin intanet.
Yayin taron, kasar Sin ta ce, “Za mu goya wa kasashe masu tasowa baya wajen gina kayayyakin fasahohin zamani, da horo da samar da masu basira a fannin, da karfafa karfinsu, da tabbatar da al’ummar duniya sun ci gajiyar fasahar zamani da kirkirarriyar basira.” Wannan zai kara cike gibin fasaha da ke akwai, da inganta ci gaba mai dorewa bisa daidaito. (Mai fassara: Fa’iza Mustapha)
