A jajibirin sabuwar shekara bisa kalandar gargajiyar kasar Sin, wato ranar 16 ga Fabrairu, da karfe 8 na dare agogon Beijing, babban rukunin gidajen rediyo da talabijin na Sin wato CMG zai watsa shirye-shiryen murnar bikin bazara na 2026 kamar yadda aka tsara.
Za a watsa shirin kai tsaye kuma a fitar da rahotannin dake alaka da shi a duk duniya ta hanyar talabijin da dandamalin yanar gizo na CGTN cikin harsuna 85, ciki har da Ingilishi, Sifaniyanci, Faransanci, Larabci, da kuma Rashanci, bisa hadin gwiwa da kafofin watsa labarai sama da 3,300 daga kasashe da yankuna sama da 200.
A halin yanzu, kusan kasashe da yankuna 20 suna daukar bikin bazara a matsayin lokacin hutu a hukumance, kuma kusan kashi daya cikin biyar na al’ummar duniya suna murnar bikin ta hanyoyi daban daban.(Safiyah Ma)
