Shugaban Kasar Ukraine, Zelensky Ya Yi Hadarin Mota

Shugaban kasar Ukraine Volodymyr Zelensky ya yi hatsarin mota da sanyin safiyar Alhamis a a babban Birnin Kasar Kyiv, amma bai samu wani mummunan rauni ba, in ji sakataren yada labaransa.

Wata mota kuma ta yi karo da motar shugaban kasar daga cikin ayarin motocin da suke rakiyar Shugaban, in ji sakataren yada labaran Zelensky Sergii Nykyforov a cikin wata sanarwa.

• Al’ummar Kasashen Turai Na Dandana Kudar Rikicin Rasha Da Ukraine

“Likitan da ya duba shugaban, yace ba a sami wani mummunan rauni ba ajikinshi”

Direban da ke cikin dayar motar, Likitocin dake ayarin shugaba Zelensky ne suka duba lafiyarsa sannan kuma suka sa shi a motar daukar marasa lafiya, a cewar Nykyforov.

Ya kara da cewa jami’an tsaro na gudanar da bincike kan lamarin.

Zelensky ya ziyarci Izyum da ke arewa maso gabashin Ukraine a ranar Laraba, bayan da sojojin Ukraine suka karbe birnin daga hannun dakarun Rasha a wani bangare na tunkarar hare-haren da suka kai a karshen mako.

Sulaiman

+ postsBio

• Sulaiman

  Ding Xuexiang Ya Halarci Taron Kolin CIFTIS Tare Da Ganawa Da Manyan Jami’an Kasashen Waje
• Sulaiman

  Sin Ce Ta Zo Ta Farko A Rahoton Yanayin Tsaron Jama’a Na Duniya
• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace