Ma’aikatar kula da tsaron al’umma ta kasar Sin ta sanar a yau cewa, an gudanar da taro na 11 na musayar bayanan sirri kan yaki da miyagun kwayoyi tsakanin Sin da Amurka, daga ranar 10 zuwa 12 ga wata a Amurka, inda wakilai daga sassa daban daban na kasashen biyu suka halarta.
Yayin taron, bangarorin biyu sun yi musayar ra’ayi kan yanayin da ake ciki game da yaki da miyagun kwayoyi da cire abubuwan da ba su dace ba a intanet da gudanar da bincike na hadin gwiwa da sa ido kan amfani da sinadarai da halasta kudin haram a bangarorin da suka shafi miyagun kwayoyi.
Haka kuma, bangarorin biyu sun amince da ci gaba da gudanar da hadin gwiwa mai ma’ana da zurfi da aminci bisa daidaito da girmama juna, kan yaki da miyagun kwayoyi. (Mai fassara: FMM)
ADVERTISEMENT
