Kasar Sin ta sanya burin ganin cewa masana’antarta ta sada na’urori da sauran abubuwa bisa fasahar sadarwar intanet da ake wa lakabi da IoT a takaice, har ta zarce adadin kudi yuan tiriliyan 3.5 (kimanin dalar Amurka biliyan 505.8) nan da shekarar 2028, kamar yadda wani tsarin aiki da ma’aikatar masana’antu da fasahar sadarwa tare da wasu sassa suka fitar, ya nuna.
Tsarin ya nuna cewa nan da shekarar 2028, kasar Sin ta kuduri aniyar kafawa ko gyara sama da ka’idoji 50 na ci gaba mai zurfi kuma masu ingancin aiwatarwa, tare da kara yawan sada na’urori da sauran abubuwa ta hanyar intanet a babbar cibayar IoT zuwa biliyan 10.
Ita dai wannan fasaha ta IoT tana ba da damar yin sadarwa bisa fasaha a ko ina tsakanin dan’adam, da na’urori da sauran kayayyaki ta hanyar amfani da fasahohin ganowa da kuma hanyoyin sadarwa, inda hakan yake hade duniyar fasahar zamani da wacce muke rayuwa ta zahiri. (Mai fassara: Abdulrazaq Yahuza Jere)
