Gabanin lokacin ranar kwadago na duniya, a yau Litinin, babbar kungiyar kwadago ta kasar Sin ta bayyana cewa, a gobe Talata 28 ga watan nan, kungiyar za ta kira taron murnar ranar kwadago na duniya, wato bikin ba da lambobin yabon kwadago na kasar Sin.
Kungiyar ta ce a yayin taron, za a mika lambobin yabo na kwadago guda 3024, ciki har da takardun lambobin yabon kwadago guda 379, da lambobin yabon kwadago guda 1462, da kuma shaidun kwararrun ’yan kwadago guda 1183.
Babban jami’in kungiyar ya bayyana cewa, a bana, za a bayar da lambobin yabon ga wasu kungiyoyi da daidaikun mutane, bisa yadda suka bayar da muhimmiyar gudummawa a fannin aiwatar da babban makasudin jam’iyyar kwaminis ta kasar Sin da raya kasa cikin inganci. (Mai Fassara: Maryam Yang)
Discussion about this post