‘Yan Daba Sun Kai Hari Kasuwar ‘Farm Center’ A Kano

Wasu da ake zargin ‘yan daba ne sun farmaki mutane a ranar Talata a shahararriyar kasuwar wayoyin hannu ta ‘Farm Center’ a Kano, lamarin da ya haddasa firgici tsakanin ‘yan kasuwa da masu saye.

Wata majiya daga kasuwar ta shaida wa ‘THR News’ cewa maharan, waɗanda ake zargin sun fito daga wani taron siyasa da ɗan takarar Sanatan Kano ta Tsakiya, A.A. Zaura, ya shirya, sun farmaki sashen Yoyo Plaza ne dake kasuwar.

A cewar majiyar, ‘yan daban sun kai wa ‘yan kasuwa hari tare da tarwatsa harkokin kasuwanci da ake gudanarwa, wanda ya haddasa firgici a yankin.

An kuma rawaito cewa, sun ƙwace wayoyin hannu na mutanen da ke kan harkokinsu a kusa da kasuwar.

Daga bisani jami’an tsaro, ciki har da ‘yansanda, sun isa wurin inda suka samu nasarar tarwatsa maharan.Har zuwa lokacin haɗa wannan rahoto, ba a tabbatar da samun asarar rayuka ko jikkata ba sakamakon harin.

Sulaiman

+ postsBio

• Sulaiman

  Mutumin Da Ya Yi Matukar Tasiri Kan Shugaba Xi Jinping
• Sulaiman

  Menene Hukuncin Yin Aure Da Cikin Shege?
• Sulaiman

  ADC Ta Sake Tabbatar Da Ibrahim Khalil A Matsayin Ɗan Takarar Gwamnan Kano Na 2027
• Sulaiman

  Yaƙi Da Ta’addanci: Gwamnan Zamfara Ya Jinjina Wa Jami’an Tsaro Bisa Ƙwato Ɗarurruwan Shanu