A jiya Alhamis ne kungiyar cinikayya ta duniya WTO, ta gudanar da kwarya-kwaryar taron ministoci a birnin Davos na kasar Switzerland. Kuma wakilin cinikayyar kasa da kasa na kasar Sin Li Chenggang, ya halarci taron tare da gabatar da jawabi.
A jawabin na sa, Li Chenggang ya ce muhimman ka’idoji da dokokin WTO, sun samar da daidaito da damar bunkasa cinikayyar kasa da kasa, sun kuma kasance tushen ci gaban bunkasar tsarin cinikayyar kasa da kasa. Ya ce a wannan gaba da ake fama da yanayi na rigingimu a tsarin cinikayyar kasa da kasa, muhimmancin tasirin WTO ya kara fitowa fili.
Daga nan sai Li Chenggang ya ce Sin na nacewa bayar da kariya, da shiga a dama da ita cikin tsarin cinikayyar kasa da kasa. Kana za ta yi duk mai yiwuwa, wajen goyon bayan sauye-sauye a kungiyar ta WTO, tare da tabbatar da cewa dukkanin membobin kungiyar sun amfana daga hakan, kana za ta amsa batutuwan da ake tunkara da bukatun masana’antu. (Mai fassara: Saminu Alhassan)
Discussion about this post