Sojoji Sun Kashe Jagoran ‘Yan Ta’adda Munzur Ya Audu, Da Wasu 114, Sun Kama 238

Hedikwatar tsaro ta bayyana cewa dakarunta sun kashe wani fitaccen kwamandan ‘yan ta’adda, Munzur Ya Audu, da wasu 114 tare da kama ‘yan ta’adda 238 a cikin mako guda.

Daraktan yada labarai na rundunar, Manjo Janar Edward Buba, wanda ya bayyana hakan a ranar Alhamis, ya ce rundunar sojin ta kuma rasa sojoji takwas (biyar a yankin Arewa maso Gabas da uku a Kudu maso Gabas) tare da kubutar da mutane 138 da aka yi garkuwa da su duk a cikin mako guda.

• Majalisa Ta Yi Watsi Da Ƙudurin Wa’adi Guda Na Tsawon Shekara 6 Ga Ofishin Shugaban Ƙasa
• Kasar Sin: Ya Kamata Nahiyar Turai Ta Girmama Manufar Kasar Sin Daya Tak A Duniya

Ya ce rundunar soji ta kara kaimi wajen ci gaba da daukar kwararan matakai a kan ‘yan ta’adda domin kawar da burbushinsu baki daya. “A bisa haka, muna tattara bayanan sirri, muna farautar su da kuma kai musu samame a wuraren da aka tabbatar da cewa maboyarsu ce.

“An kashe wani fitaccen kwamandan ‘yan ta’adda mai suna Munzur Ya Audu a yankin Arewa-maso-Gabas a wani samame.”

Janar Buba ya ce, sojojin sun kwato makamai iri-iri 145 da alburusai iri-iri 3,825.

Ya ce sojoji suna yin kokari sosai don wargaza duk wani shiri na ‘yan ta’adda tare da lalata duk wani yunkurinsu.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”