Sojoji Sun Kubutar Da Ma’aikatan Jin Kai 2 Yayin Wani Samame A Dajin Sambisa 

Dakarun Bataliya ta 151 ta Operation Hadin Kai, sun yi nasarar fatattakar ‘yan ta’addar Boko Haram da ba a tantance adadinsu ba tare da ceto wasu ma’aikatan jin kai guda biyu a dajin Sambisa.

LEADERSHIP ta tattaro cewa an kashe ‘yan ta’addan ne bayan da sojojin tare da hadin guiwar rundunar hadin guiwa ta Civilian Task Force da Hybrid Forces inda suka kai farmaki maboyar ‘yan ta’addan a Gargash da ke yankin karamar hukumar Bama a jihar Borno.

• Sojoji Sun Kashe ‘Yan Ta’addan Boko Haram 35, Sun Tarwatsa Sansanoni 12 A Dajin Sambisa

A yayin farmakin, ‘yan ta’adda a kalla 135 tare da iyalansu suka mika wuya ga sojoji daga sassan dajin Sambisa daban-daban.

Rahotannin sirri da aka samu daga majiya mai tushe daga Zagazola Makama, kwararre kan yaki da tada kayar baya a yankin tafkin Chadi ya bayyana cewa ‘yan ta’addan sun boye a yankin ne suna shirin kai farmaki yankin Banki kafin a tarwatsa su.

Majiyoyin sun ce a dalilin wannan hadakar an ceto wasu ma’aikatan jin kai biyu da aka sace daga Monguno a shekarar 2022.

Sojojin sun kuma kwato wasu motoci kirar hilux guda uku tare da daya daga cikin su dauke da bindigar harbo jirgin sama.

Sulaiman

+ postsBio

• Sulaiman

  Majalisa Ta Ba da Tallafin ₦50m Ga Iyalan Malamai Da Jami’an Tsaro Da Aka Kashe A Aikin Ceto A Oyo
• Sulaiman

  Xi Ya Bukaci A Mayar Da Hankali Kan Bukatun Jama’a Yayin Rangadin Da Ya Yi A Shanghai
• Sulaiman

  Lalata Da Ƙaramar Yarinya: Kotu Ta Yanke Wa Tsoho Mai Shekara 75 Hukuncin Ɗaurin Shekara 10 A Ribas
• Sulaiman

  Ci Gaban Fasaha Na Hidimtawa Jama’a Cikin Kowane Yanayi A Kasar Sin