Tsohon gwamnan jihar Sakkwato, Sanata Aminu Waziri Tambuwal ya kaddamar da tallafin kayan abinci ga magidanta dubu 30 a fadin jihar.
A yayin da yake kaddamar da tallafin tare da bayar da jari ga masu kananan sana’oi a gidansa a ranar Litinin, ya bayyana cewar tallafin wani mataki ne na saukakawa mabukata halin kunci a watan Ramadan mai girma.
- Sojoji Sun Miƙawa Gwamnatin Borno Mutane 75 Da Suka Ceto
- Ministan Yaɗa Labarai Ya Yi Alhinin Rasuwar Fitaccen Masanin Aikin Jarida, Kabir Ɗangogo
Tambuwal wanda ke wakiltar Sakkwato ta Kudu a majalisar dattawa, ya bukaci wadanda za su rarraba kayan abincin da su gudanar da gaskiya da adalci wajen tabbatar da tallafin ya kai hannun wadanda suka cancanta a mazabu 244 da ke fadin jihar.
Tambuwal ya kuma yabawa ‘yan majalisar dokoki na jiha da na tarayya da ke karkashin jam’iyyar PDP kan kokarin da suke yi wajen sauke nauyin al’umma da ke kan su a bisa ga kudurori da manufofin jam’iyyar PDP.
