Toni Kroos Ya Kafa Tarihin Cin Kofin Duniya

Tsohon dan wasan kasar Jamus, Toni Kroos, ya kafa tarihin lashe gasar cin kofin duniya na kungiyoyi bayan da a ranar Asabar Real Madrid ta lashe gasar FIFA Club World, bayan doke Al Hilal 5-3 a Morocco.

Toni Kroos yana cikin ‘yan wasan da suka buga mata karawar, wanda ya dauki kofi na shida na zakarun nahiyoyin duniya ya fara daukar daya a lokacin da yake Bayern Munich, yanzu ya ci na biyar tare da Real Madrid, wadda ta lashe na takwas jimilla.

• DSS Ta Bankado Shirin Boko Haram Na Kai Wa Jirgin Kasan Abuja-Kaduna Hari
• Maganin Ciwon Sanyi A Saukake

Wasu ‘yan wasan kungiyar kwallon kafar ta Real Madrid da suka dauki Club World Cup biyar a kungiyar sun hada da Karim Benzema da Nacho da Dani Carbajal da kuma Luca Modric.

Kofi na biyu kenan da Real Madrid ta lashe a kakar nan, bayan Uefa Super Cup kuma Real Madrid wadda take ta biyu a bana a teburin La Liga da tazarar maki 11 ta yi rashin nasara a Spanish Super Cup a watan Janairu a hannun Barcelona a Saudia Arabia.

Real Madrid ta kai wasan karshe a Club World Cup, bayan cin Al Ahly 4-1 ranar Laraba, ita kuwa Al Hilal nasara ta yi a kan Flamengo 3-2 ranar Talata sannan Real Madrid ita ce ke rike da Champions League a Turai, ita kuwa Al Hilal ta Saudi Arabia ita ta lashe na zakarun Asia.

Abba Ibrahim Wada

Website |  + postsBio

• Abba Ibrahim Wada

  Ronaldo Da Ƴanwasan Da Suka Buga Kofin Duniya Na Ƙarshe A Rayuwarsu
• Abba Ibrahim Wada

  Ko Ka San Dalilin Da Ya Sa Chana Da Indiya Ba Sa Buga Kofin Duniya?
• Abba Ibrahim Wada

  Gwamnatin Kaduna Ta Yaba Wa NSA Kan Shirin Samar Da Dakarun Tsaron Daji
• Abba Ibrahim Wada

  Lampard Zai Ci Gaba Da Zama A Coventry City