A kwanan nan, Liu Zhenmin, wakilin kasar Sin kan sauyin yanayi ya bayyana cewa, matsalar makamashin da ake ci gaba da fuskanta a duniya, ta bayyana hadarin da ke tattare da dogaro sosai kan shigo da man fetur daga waje, lamarin da ya sa ake bukatar kasashen duniya su sake tunani kan dabarun samun wadatar makamashi, da gaggauta sauyawa zuwa amfani da makamashin da ake iya sabuntawa.
A wata hira da ya yi da kamfanin dillancin labarai na Xinhua a ranar Juma’a da ta gabata a yayin taron kasa da kasa kan makamashi da yanayi a Vienna, Liu ya jaddada cewa, kwarewar da kasar Sin take da ita ta nuna cewa, raya makamashin da ake iya sabuntawa, wata hanya ce mai inganci ta bunkasa wadatar makamashi da kuma karfin juriya.
Taron mai taken “Karfafa ci gaba mai albarka, samun wadata da kwanciyar hankali,” ya gudana ne a Vienna tsakanin ranekun 9 zuwa 10 ga Afrilu. (Abdulrazaq Yahuza Jere)
