Wasu Mahara Sun Kashe Malamin UNIMAID A Ofishinsa Da Ke Cikin Jami’ar

Wasu da ba a san ko suwaye ba, sun yi wa malami a Sashen Nazarin Jiki da Lafiya na Jami’ar Maiduguri (UNIMAID), Dr. Kamar Abdulkadir, kisan gilla a ofishinsa.

An kashe Abdulkadir ne a ranar Lahadin da ta gabata lokacin da maharan suka kutsa cikin ofishinsa suka kai masa hari da wuka da guduma.

• Tinubu Zai Halarci Bikin Rantsar Da Sabon Shugaban Senegal
• An Dakatar Da Shugabar Matan APC A Kaduna Kan Sukar Uba Sani

Majiyoyin leken asiri sun bayyana wa Zagazola Makama, wani kwararre kan yaki da tada kayar baya kuma mai sharhi kan harkokin tsaro a tafkin Chadi, cewa, an ga gawar mamacin a cikin jini tare da rauni da dama a jikinsa daga hannun wadanda suka kashe shi.

Maharan sun kuma tafi da motarsa da wasu kayayyaki masu daraja, amma an bayyana cewa, hukumomi na neman wadanda suka aikata wannan mummunan lamarin.

Rundunar ‘yansandan jihar Borno ta bayyana cewa, ta cafke mutane 8 da take zargi kan aikata wannan mummunan lamarin.

Sulaiman

+ postsBio

• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum
• Sulaiman

  Sin Da Amurka Na Wanzar Da Mu’amala Game Da Shirin Ganawar Da Manyan Shugabannin Kasashen Biyu Za Su Yi A Bana