Yayin da bikin murnar shiga sabuwar shekarar gargajiya ta kasar Sin wato shekarar doki ke gabatowa, babban rukunin gidajen rediyo da talabijin na kasar Sin ko kuma CMG a takaice ya hada kai tare da wasu manyan kungiyoyin hadin gwiwar watsa labarai na duniya guda bakwai, ciki har da kungiyar gidajen rediyo na Asiya da Pasifik, da kungiyar gidajen rediyo na Afirka, da kungiyar kafafen yada labarai na kasashen Latin Amurka, da kungiyar gidajen rediyo na kasashen Larabawa, da kungiyar hadin gwiwar musanyar labarai ta Turai, da kungiyar gidajen rediyo da talabijin ta kasashen OIC, da kungiyar gidajen rediyo na yankin Carribean, inda suka tallata shagalin CMG na murnar shiga sabuwar shekarar gargajiyar kasar Sin ga duk fadin duniya. Za a kuma gabatar da shirye-shirye masu kayatarwa na shagalin CMG ta kafafen yada labarai sama da 400 na kasashe da yankuna 181 da ke karkashin wadannan kungiyoyin.
Cikin jerin shekaru 43 CMG ya shirya kasaitaccen shagali don murnar shiga sabuwar shekarar gargajiyar kasar Sin, shagalin da ya riga ya kasance wani muhimmin abun da ke nishadantar da mutanen kasar Sin da na duk duniya a jajibirin sabuwar shekara. (Murtala Zhang)
