Da yammacin yau Litinin, shugaban kasar Sin Xi Jinping, ya yi shawarwari tare da shugaban kasar Serbia Aleksandar Vučić, wanda ke ziyarar aiki a kasar Sin, a babban dakin taron jama’a dake birnin Beijing.
A yayin shawarwarin, shugaba Xi Jinping ya yi nuni da cewa, Sin da Serbia, dukkansu sun fuskanci mawuyacin hali, kuma suna da tunani mai yakini, sun tsaya tsayin daka kan manufar kiyaye ikon mallakar kasa, da girmama mutuncin al’ummar kasa, da kuma kiyaye zaman lafiya, da samun ci gaba da adalci baki daya.
Don haka ya kamata bangarorin biyu su kara bunkasa mu’amala, da imani da juna, da zurfafa hadin gwiwa a tsakaninsu, da nuna goyon baya ga juna, don yin kokari wajen bin tafarkin cimma makomar bai daya da samun wadata tare.
A nasa bangare, shugaba Vučić ya bayyana cewa, a cikin shekaru 10 da kafa dangantakar abokantaka bisa manyan tsare-tsare tsakanin sassan biyu an samu nasarori masu yawa. Ya kuma godewa kasar Sin bisa samar da gudummawar raya kasar Serbia.
Kazalika, da yammacin yau din, shugaba Xi Jinping ya baiwa shugaba Vučić lambar yabo ta sada zumunta. (Zainab Zhang)
Discussion about this post