Yadda ‘Yan Filato Ke Rajistar Katin Zabe Duk Da Mamakon Ruwan Sama

Yayin da Gwamnan jihar Filato, Simon Lalong ya bayar da hutun kwana 2 ga ma’aikatan jihar don samun damar yin rajistar katin zabe na dindindin (PVCs), wakilinmu da ya za gaya rumfunan katin zaben ya ce, mutane sun bijirewa mamakon ruwan sama da rana domin yin rajistar.

Ya bayyana cewa, jama’ar jihar sun hallara a rumfunan da adadinsu mai yawa.

• Sabbin Rijistar Masu Zabe Da Aka Yi Sun Haura Miliyan 10 – INEC

A ofishin hukumar zabe ta kasa INEC dake kan titin Miango a karamar hukumar Jos ta kudu, jama’a sun sha mamakon ruwa akansu, sannan sun tsaya cikin haquri a kan layi domin a yi musu rajistar.

Har ila yau, a karamar hukumar Jos ta Arewa an ga dimbin jama’a sun yi tururuwa a cibiyar da nufin suma ayi musu rajistar.

Daya daga cikin wadanda ke cibiyar, Charity Sani ta koka kan karancin kayan aiki da ma’aikatan na INEC, inda ta bayyana cewa rajistar na tafiya a hankali.

Ta roki INEC da ta tura isassun ma’aikata da kayan aiki domin samun damar yin rijistar adadin mutanen da ya kamata.

Da yake zantawa da LEADERSHIP, shugaban wayar da kai da ilimantar da masu kada kuri’a na hukumar zabe ta kasa INEC reshen jihar Filato, M. Egurube Michael Otukpa ya ce jama’a sun musu yawa ne.

Sulaiman

+ postsBio

• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030
• Sulaiman

  Kotu Ta Tsare Shugaban Makaranta Da Malami Kan Zargin Lalata Da Ɗaliba Mai Shekara 6 A Gombe