‘Yan Bindiga Sun Harbe Wani Mutum Lokacin Da Suka Kai Hari Yankin Maitama Da Ke Abuja

Wasu da ake zargin masu garkuwa da mutane ne sun harbe mutum daya wanda nan take yace ga garinku nan akan titin Gana da ke unguwar Maitama a babban birnin tarayya Abuja.

An bayyana cewa lamarin ya faru ne da misalin karfe 8:46 na daren Laraba.

• Wata Sabuwa: ‘Yan Bindiga Sun Kashe Fasinjan Jirgin Kasan Abuja Zuwa Kaduna A Hanyarsa Ta Komawa Garinsu Bayan Kubutarsa

Wani mazaunin yankin wanda ya nemi a sakaya sunansa ya shaida wa Jaridar Daily trust cewa, an kashe mamacin ne a lokacin da yake kokarin kubutar da wanda masu garkuwar suka sace a wata bakar mota kirar Prado SUV.

Ya ce, an ajiye motar ne a kofar gida mai lamba 44 a titin Gana inda daya daga cikin wadanda ake zargin ya harbe mutumin, nan take yace ga garinku nan.

A cewarsa, wannan shi ne karo na biyu da ya faruwa a wannan titin Gana cikin ‘yan makonnin da suka gabata.

Da aka tuntubi kakakin rundunar ‘yan sandan reshen babban birnin tarayya Abuja, Josephine Adeh, wanda shi ma ya tabbatar da faruwar lamarin, ya ce tuni ‘yan sandan suka fara bin diddigin masu garkuwar.

Sulaiman

+ postsBio

• Sulaiman

  Sake Jan Damarar Soja Da Japan Ke Yi Karin Alama Ce Mai Hadari
• Sulaiman

  Shugaban Majalisar Bayar Da Shawara Kan Harkokin Siyasa Ta Kasar Sin Ya Yi Kira Da A Raya Dangantakar Gabobi Biyu Na Mashigin Tekun Taiwan Cikin Lumana
• Sulaiman

  Sin Ta Zama Abin Koyi Na Sauyi Da Ci Gaba Ga Kasashe Da Dama, In Ji Shalva Papuashvili
• Sulaiman

  Kasar Sin Na Adawa Da Matakin Amurka Na Amfani Da Tsaron Kasa Wajen Danne Wasu Kamfanonin Sinawa