Wasu ‘yan bindiga sun kashe wani makiyayi mai shekaru 17 da kuma shanu 35 a lokacin da suka bude wuta a tsakanin gundumar Fan na Nafan da Doruwa Babuje a gundumar Ropp a Karamar Hukumar Barkin-Ladi a Jihar Filato.
Gwamna Caleb Mutfwang, ya tabbatar da kisan a cikin wata sanarwa da ya fitar ga manema labarai.
- Sojoji Sun Kashe Dan Bindiga, Sun Ceto Mutane 15 A Zamfara
- Sudan Ce Kasa Mafi Fama Da Yunwa A Afrika – MDD
Ya ce ya kadu mutuka kan abin da ya faru kuma lallai al’ummar yankin kuayukan barikin Ladi na cikin tashin hanakli kan wannan mumunan harin da aka kai.
Sanarwa ta yi Allah wadai da ayyukan ‘yan bindigar da kuma yadda suke kokarin mayar da hannun agogo baya wajen tabbatar da zaman lafiya a yankin.
Gwamnan ya bukaci shugabannin gargajiya da na al’umma da na addinai da matasa da da su hada kai da sauran masu ruwa da tsaki don fara tattauna yadda za a wanzar da zaman lafiya da dawo da doka da oda a yankin.
