‘Yan Bindiga Sun Yi Garkuwa Da Jama’a Da Dama A Rukunin Wasu Gidaje A Abuja

Wasu ‘yan bindiga a safiyar ranar Litinin sun kai hari a Estate Gwarinpa da ke babban birnin tarayya.

‘yan bindigar sun kai farmakin ne a jerin gidajen a tsakanin karfe 1 na safe zuwa karfe 4 na safe, inda suka yi awon gaba da wasu mutanen da har yanzu ba a tantance adadinsu ba.

• Dabi’un Da Ke Zubar Da Mutuncin Maigida

Ko da yake har yanzu babu cikakken bayani, wani mazaunin garin, wanda ya bayyana sunansa Mohammed ya ce ‘yan bindigar sun samu shiga Estate Efab Queens da ke 6th Avenue, Gwarinpa.

Da aka tuntubi kakakin rundunar ‘yan sandan babban birnin tarayya Abuja, Josephine Adeh, ta shaida wa Aminiya cewa lamarin fashi ne ba garkuwa da mutane ba.

Adeh, mataimakin Sufeton ‘yan sanda, ya ce tuni aka tattara ‘yan sanda zuwa wurin domin sanin yadda lamarin ya faru.

Ta yi alkawarin cewa za a sanar da jama’a yadda ya kamata bayan an gano cikakkun bayanai kan lamarin.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu