‘Yan sama jannati uku na kumbon Shenzhou-23 sun samu horaswa kan aikin ceto mara lafiya na farko a da’irar sama tun bayan isowarsu tashar binciken sararin samaniya ta kasar Sin ta Tiangong, kamar yadda wani bidiyo da hukumar binciken sararin samaniya ta kasar Sin (CMSA) ta fitar ya nuna.
A cikin bidiyon da aka fitar jiya Lahadi, hukumar ta CMSA ta bayyana cewa, horon na da nufin taimaka wa ‘yan sama jannatin, da suka hada da Zhu Yangzhu, Zhang Zhiyuan, da Li Jiaying, ta yadda za su saba da dabarun aikin ceto da kuma yadda ake amfani da karfi a yanayi mai karancin iya daukar nauyi ko fizgar kasa, watau “microgravity”.Baya ga horaswa kan kiwon lafiyar, tawagar ta kuma ci gaba da gudanar da gwaje-gwajen kimiyya daban-daban a sararin samaniya. (Mai fassara: Abdulrazaq Yahuza Jere)
