Dan takarar shugaban kasa na jam’iyyar ADC, Atiku Abubakar, ya yi kira ga gwamnatin Shugaba Bola Tinubu da ta magance korafe-korafen shugaban masu fafutukar ɓallewa daga Nijeriya da aka samu da laifi, Mazi Nnamdi Kanu, tare da bayar da amsa kan ci gaba da tsare Sheikh Sani Khalifa Zaria da Mallam Nasir Ahmad El-Rufai.
Tsohon mataimakin shugaban kasar ya yi wannan kiran ne ranar Alhamis a Abuja, a cikin sakonsa na ranar ’Yancin Kai.
Atiku ya ce: “A wannan rana, ina kira da a yi amfani da tsarin bin doka cikin adalci a kowane lamari. Ci gaba da tsare Sheikh Sani Khalifa Zaria da Mallam Nasir Ahmad El-Rufai na haifar da tambayoyi kan yadda aka bin ka’idojin shari’a, kuma ya zama wajibi hukumomi su bayar da amsa.”
Atiku ya kuma sake yin kira da a saki matasa biyar ’yan Nijeriya da aka kama a Borno bayan sanya riga mai ɗauke da tambarin “Tinubu Must Go.”
