‘Yansanda Sun Gano Nakiya A Wata Gona A Jihar Borno

Jami’an rundunar ‘yansandan jihar Borno sun gano wata nakiya da bata tashi ba a wata gona da ke karamar hukumar Dikwa a jihar Borno.

A wata sanarwa da jami’in hulda da jama’a na rundunar ‘yansandan jihar, ASP Nahum Daso, ya fitar a ranar Litinin, ya ce, rundunar ta samu rahoton ne daga wani Babagana Kachalla, wanda ya ce, ya ga wani abu da yake zargin nakiya ce a gonarsa.

ASP Daso ya ce, bayan samun wannan labari, kwamishinan ‘yansanda na jihar Borno, Naziru Abdulmajid, ya tura kwamandan bincike da warware nakiyoyi da ke sansani na 13, Maiduguri, tare da tawagarsa, zuwa wurin da aka gano nakiyar.

Daso ya kuma tabbatar da cewa, an warware nakiyar cikin nasara ba tare da wata matsala ba.

Sulaiman

+ postsBio

• Sulaiman

  Xi: Sin Na Gudanar Da Ayyukan Hadin Gwiwa Tsakanin Yankunan Gabashi Da Yammacin Kasar
• Sulaiman

  Sin Ta Samar Da Tallafin Jin Kai Na Gaggawa Ga DRC Da AU
• Sulaiman

  Fahimtar Tattalin Arzikin Sin Na Watannin Biyar Na Farkon Bana Ta Kalmomi Guda Uku
• Sulaiman

  Kasar Sin Za Ta Habaka Bude Fannonin Hada-Hadar Kudi Ga Duniya