’Yansanda Sun Kama Mutane 240 Bisa Zargin Laifuka Daban-Daban A Yobe

Rundunar ’Yansandan Jihar Yobe ta kama mutane 240 da ake zargi da aikata laifuka daban-daban, ciki har da kisan kai, fyade, garkuwa da mutane da fashi da makami, cikin watanni uku da suka gabata.

Kwamishinan ’Yansandan jihar, Usman Jibrin, ne ya bayyana hakan ranar Laraba yayin wani taron manema labarai da aka gudanar a hedikwatar rundunar da ke Damaturu.

Ya ce kamen ya biyo bayan binciken wasu kararrakin kisan kai 16, fyade 9, garkuwa da mutum guda, kararrakin karɓar kuɗi ta hanyar barazana guda biyu, fashi da makami biyar, da kuma wasu laifuka daban-daban 112 da aka samu tsakanin watan Yuli zuwa Satumba.

Kwamishinan ya ce rundunar ta samu gagarumin ci gaba wajen yaƙi da aikata laifuka a jihar a tsawon wannan lokaci.

Ya ce: “Mun samu gagarumin ci gaba wajen yaƙi miyagun ayyuka a jihar. A cikin lokacin da ake nazari, mun kama mutane 240 bisa zargin aikata laifuka daban-daban.”

Sulaiman

+ postsBio

• Sulaiman

  Peter Obi Ya Nemi ‘Yan Nijeriya Su Sayi Hannun Jarin Matatar Mai Ta Dangote
• Sulaiman

  Manufar Sin Kan Raba Fasahar AI Ga Saura: Hakika Mai Bayarwa Ba Ya Rasawa
• Sulaiman

  Sin Ta Fitar Da Ka’idojin Na’urar Kiwon Lafiya Ta Sadarwa Tsakanin Kwakwalwa Da Na’ura Mai Amfani Da AI
• Sulaiman

  Gwamnan Kano Ya Naɗa Hafsat Kutama Mukaddashiyar Shugabar Hukumar PCACC