Yanzu-yanzu: Tinubu Na Ganawa Ta Farko Da Shugabannin Tsaro

Shugaba Bola Tinubu yana ganawa da hafsoshin tsaron Nijeriya karkashin jagorancin babban hafsan sojin kasa, Janar Lucky Irabor a fadar shugaban kasa da ke Abuja a ranar Alhamis.

Cikin wadanda ke ganawa da shugaba Tinubu akwai Babban Hafsan sojin kasa, Laftanar Janar Farouk Yahaya; Babban Hafsan Sojin Ruwa, Vice Admiral Auwal Gambo; Babban hafsan sojin sama Air Marshal Isiaka Amao, da babban sufeton ‘yansanda Usman Alkali Baba.

• Da Ɗumi-duminsa: Tinubu Ya Naɗa Gbajabiamila Shugaban Ma’aikatan Fadar Shugaban Ƙasa

Sauran sune Darakta-Janar na Hukumar Tsaro ta farin kaya (DSS), Yusuf Bichi; Darakta-Janar na Hukumar Leken Asiri ta Kasa (NIA), Ahmed Rufa’i Abubakar.

Taron da ke gudana dai shi ne ganawa ta farko da shugaba Tinubu ya yi da shugabannin hukumomin tsaro da na leken asiri na kasar tun bayan hawansa mulki a ranar Litinin.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina KasaBy