Hadarin Mota Ya Ci Rayukan Mutane Takwas, 6 Sun Jikkata A Hanyar Bauchi

Akalla mutane takwas ne suka mutu yayin da wasu 6 suka jikkata a wani hadarin mota da ya afku a garin Shadarki da ke kan hanyar Bauchi zuwa Darazo a jihar Bauchi.

Wakilinmu ya ruwaito cewa, hadarin ya afku ne a ranar Larabar da ta gabata tsakanin wata kirar mota Hilux mai zaman kanta da wata motar haya kirar Gulf-3.

• Yanzu-yanzu: Tinubu Na Ganawa Ta Farko Da Shugabannin Tsaro

Da yake tabbatar da faruwar lamarin, kwamandan kula da hadurra ta kasa (FRSC) reshen Jihar Bauchi, Yusuf Abdullahi, ya ce, maza biyu manya da mata uku manya, maza biyu yara yarinya daya ne suka rasa rayukansu.

Ya ce an kai wadanda suka samu raunuka zuwa babban asibitin Darazo domin kula da lafiyarsu.

Abdullahi ya dora laifin hadarin akan mugun obatakin wanda bai dace ba, ya shawarci masu ababen hawa da su rika bin dokokin hanya.

Sulaiman

+ postsBio

• Sulaiman

  An Fara Gasar Tseren Dawakai Ta ‘Renewed Hope’ da Sabon Salo A Kano
• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi