Yawan Jigilar Kayayyakin Da Aka Yi Ta Layin Dogo Na Sin Ya Karu A Rubu’in Farko

Kamfanin layin dogo na kasar Sin ya bayyana yau Lahadi cewa, an yi jigilar kayayyaki tan miliyan 970 ta hanyar sufurin layin dogo na kasar Sin a cikin watanni ukun farko na shekarar 2025, adadin da ya karu da kashi 3.1 bisa dari idan aka kwatanta da makamancin lokacin a bara. Kana, Yawan kayayyakin da aka yi dakon su a kowace rana ya kai tarago 179,000, karuwar kashi 4.2 bisa dari idan aka kwatanta da makamancin lokacin a bara.

Kazalika, sufurin layin dogo ta saukaka yin kasuwanci tsakanin kasa da kasa a wannan lokacin. Musamman ma, jiragen kasan dakon kaya tsakanin kasar Sin da tsakiyar Asiya sun yi jigilar kayayyaki sau 3,582, wanda ya nuna karuwar kashi 25.5 cikin dari idan aka kwatanta da makamancin lokacin a bara, a cewar kamfanin layin dogon. (Mai fassara: Mohammed Yahaya)

Sulaiman

+ postsBio

• Sulaiman

  Na Sayar Da ’Ya’yana, Na Sace Wasu 19 – Wata Da Ake Zargi Da Safarar Yara
• Sulaiman

  Hormuz: Iran Ta Kai Muggan Hare-hare Kan Sansanin Amurka A Jordan
• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi