Bisa kididdigar da hukumar kididdiga ta kasar Sin ta gabatar a yau 27 ga wannan wata, yawan kudin da manyan kamfanonin kasar Sin suka samu tun daga watan Janairu zuwa watan Nuwanba na bana ya kai Yuan triliyan 6 da biliyan 626 da miliyan 860, wanda ya karu da kashi 0.1 cikin dari bisa na makamancin lokacin bara, don haka yawansu ya kiyaye samun karuwa a watanni hudu a jere tun daga watan Agusta na bana.
Bisa kididdigar, yawan kudin da aka samu a fannin kera na’urori ya fi yawa. Tun daga watan Janairu zuwa na Nuwanban bana, yawan kudin da aka samu a wannan fanni ya karu da kashi 7.7 cikin dari, wanda ya fi sa kaimi ga samun karuwar yawan kudin da manyan kamfanonin Sin suka samu.
Hakazalika, an kara samun kudin shiga a fannin samar da kayayyaki ta fasahohin zamani. Tun daga watan Janairu zuwa na Nuwanban bana, yawan kudin da aka samu a fannin kera na’urorin musamman na masana’antun laturoni ya karu da kashi 57.4 cikin dari, yawan kudin da aka samu a fannin samar da kayayyakin dake shafar binciken sararin samaniya ya karu da kashi 13.3 cikin dari, kana yawan kudin da aka samu a fannin samar da kayayyakin masarufi na fasahohin zamani ya karu da kashi 54 cikin dari. (Zainab Zhang)
