Yunƙurin Kafa Ƙasar Yarbawa: Igboho Ya Miƙa Koke Ga Firaministan Birtaniya

Wani mai rajin kafa kasar Yarbawa, Cif Sunday Adeyemo, wanda aka fi sani da Sunday Igboho, ya mika koke ga firaministan kasar Birtaniya, Keir Starmer.

Duk da cewa, ba a san meke kunshe cikin takardar koke-koken ba, amma ana ganin ba zai rasa nasaba da kafa kasar ‘yan kabilar Yarbawa da mafi yawancin su ke zaune a yankin Kudu-maso-Yammacin Nijeriya ba.

• Arafat: NAHCON Ta Jagoranci Yi Wa Kasa Addu’a
• Al’ummar Arewa: Bango Ne Ya Tsage Kadangare Ya Samu Wurin Shiga

Wata majiya mai tushe, ta tabbatar da cewa, Igboho ne ya gabatar da takardar koken a ofishin Firaministan Birtaniya da ke birnin Landan a madadin shugaban kungiyar Yarbawa ta kasa kuma fitaccen masanin tarihi, Farfesa Banji Akintoye.

A cewar majiyar, gabatar da koken na da nufin samun goyon bayan firaministan da kuma gwamnatin Birtaniya, wacce tsohuwar uwargida ce ga Nijeriya a lokacin mulkin mallaka, kan samar da kasar Yarbawa mai cin gashin kanta daga Nijeriya.

Daga cikin jiga-jigan da suka raka Igboho domin mika koken sun hada da shugaban matasan kungiyar na kasashen waje, Annabi Ologunoluwa; Mataimakin shugaban Ifeladun Apapo, Fatai Ogunribido; Babbar Sakatariyar Yada Labarai ta kungiyar Yarbawa, Alhaja Adeyeye, da mamban kungiyar Yarbawa ta kasa, Paul Odebiyi.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”