Zanga-zangar Tsadar Rayuwa: Yaran Kano Za Su Shafe Kwanaki 5 A Asibiti Don Kula Da Lafiyarsu 

Bayan isowar Gwamna Abba Yusuf daga Abuja a ranar Talata tare da wasu kananan yara 63 da aka yi wa afuwa da aka kama tare da tsare su a yayin gudanar da zanga-zangar tsadar rayuwa a watan Agusta a Kano, gwamnan ya ce, yaran za su kwashe kimanin kwanaki biyar a Asibiti domin kula da lafiyarsu. 

An kai masu zanga-zangar da aka yi wa afuwa wadanda galibinsu kananan yara ne kai tsaye asibitin kwararru na Muhammadu Buhari da ke cikin birnin Kano, inda za a kula da lafiyarsu.

• Yaya Hadin Gwiwar Sin Da Afirka Ya Jagoraci Zamanantarwar Kasashe Masu Tasowa?
• Da Ɗumi-ɗumi: DisCos Ya Sanar Da Sabbin Farashin Mitar Wutar Lantarki

Gwamna Yusuf ya bayyana hakan ne a wani liyafa ta musamman da aka yi wa yaran a asibitin a daren ranar Talata.

Gwamna Yusuf ya kara da cewa, zai dauki nauyin karatun yaran a karkashin ma’aikatar ilimi inda kwamishinan da tawagarsa za su ziyarci asibitin domin tantance matakin karatun da suke a halin yanzu.

Ga waɗanda ba su zuwa makaranta, za a taimaka musu da sana’o’in fasaha tare da ba su kayan aiki don fara kasuwanci.

Sulaiman

+ postsBio

• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum
• Sulaiman

  Sin Da Amurka Na Wanzar Da Mu’amala Game Da Shirin Ganawar Da Manyan Shugabannin Kasashen Biyu Za Su Yi A Bana