Kotun da’ar ma’aikata (CCT) ta bayar da wasu sharudan belin Shugaban Hukumar Korafe-korafe da Yaki da Cin Hanci da Rashawa ta Jihar Kano (PCACC), Muhuyi Magaji Rimin Gado bisa zargin almundahana.
Alkalin kotun, Mai shari’a Danladi Umar, ya bayar da sharudan a ranar Alhamis, lokacin da Muhuyi ya gurfana a gaban kotun.
- Kotun Daukaka Kara Ta Ayyana Zaben Gwamnan Zamfara A Matsayin Bai Kammala Ba
- Kasashen Afirka Na Cin Gajiyar Aikin Zamanintar Da Aikin Gona Na Sin
Sharudann belin sun hada da biyan Naira miliyan biyar tare da gabatar mutane biyu da za su tsaya masa, sannan su kasance suna aiki a birnin tarayya, Abuja.
ADVERTISEMENT
Bugu da kari, wadanda za su tsaya masa dole su ajiye hotunansu guda biyu a kotun, domin neman amfani da su a matsayin wasu matakai na cika sharudan.
Ana zargin Muhuyi da kin bayyana kadarorinsa wanda yana daga cikin dokokin ma’aikata kafin karbar duk wani mukami.
