Zargin Sace Naira Tiriliyan 210: Majalisa Ta Bayar da Umarnin Kama Tsohon Shugaban NNPC, Mele Kyari

Kwamitin Kula da Asusun Jama’a na Majalisar Dattawa ya bayar da umarnin kama tsohon Babban Daraktan Gudanarwa na Kamfanin Man Fetur na Kasa (NNPCL), Mele Kyari, saboda rashin halartar zaman binciken da ake yi kan zargin karkatar da kudade har Naira tiriliyan 210 tsakanin shekarun 2017 zuwa 2023.

An dauki wannan matakin ne bayan Kyari ya ci gaba da kin bayyana a gaban kwamitin da ke gudanar da bincike kan tambayoyin da Ofishin Babban Mai Binciken Kudi na Tarayya ya yi dangane da bayanan kudin kamfanin.

Sai dai tsohon Babban Jami’in Kudi na NNPCL, Umar Isa, ya kalubalanci zargin a gaban kwamitin, yana mai cewa babu wasu kudade da suka ɓace.Ya kuma bayyana cewa adadin Naira tiriliyan 210 da ake magana a kai yana iya rikitar da jama’a idan aka kwatanta shi da hakikanin kudaden shiga da kamfanin ya samu a lokacin.

An bayar da umarnin kama Kyari ne bayan ’yan majalisar sun yi watsi da bukatar kara jinkirta binciken, tare da dagewa cewa dole ne a ci gaba da gudanar da binciken ba tare da ɓata lokaci ba.

Sulaiman

+ postsBio

• Sulaiman

  Wakilin Sin: Bangaren Sin Yana Goyon Bayan Kasashen Afirka a Fannin Magance Matsalolin Nahiyar Bisa Hanyoyin Da Suka Dace Da Su
• Sulaiman

  An Kashe ’Yan Bindiga Biyu A Abuja
• Sulaiman

  Ko Me Ya Sa Alkaluman Rahotan Cinikayyar Waje Na Sin Suka Nuna Karuwar Nasarori Fiye Da Yadda Aka Yi Tsammani?
• Sulaiman

  Mamakon Ruwan Sama Da Iska Mai Ƙarfi Ya Kashe Kaka Da Jikarta A Bauchi